واحد تيحك ودنو بساروت شوية وهو يدماري .
واحد امنيتو يكون مزور .. بغا يزور ورقة 10 دولار .. ضبر على 100 دولار ومحا الصفر.
واحد مؤدب بزاف دخل للسينما سلم على كاع اللي كالسين.
واحد خدام سرباي فقهوة شرا طوموبيلة جديدة اول ما وقف بيها قدام الدار خرج لكراسا ديالها برا..
واحد الصياد صيد حوتة بغا يطيبها معندو لا زيت لا فاخر وهو يرجعها للبحر الحوتة خرجت راسها وغوتت عاشت الحكومة المغربية.
واحد تيقول لمراتو عرفتي .. من نهار تزوجنا مابقيتش تنفكر فتا شي مرا قالت ليه فرحاانة تالهاد الدرجة تتبغيني قال ليها تالهاد الدرجة كرهتيني فلعيالات ومايجي منهم.
واحد المعلم سول التلاميد دياولو قاليهم عطيوني سمية شي كوكب وهو يقول ليه واحد الكوكب المراكشي.
واحد اتصل بواحد المطعم الو .كارسون الو .واش كاين شي عشاء .كارسون كاين اسيدي .علاش ما عرضتوش عليا.
واحد البخيل ملبس الدجاج ديالو سليبات باش مايبيضش عند الجيران.
واحد طلاب طلع لطوبيس كايطلب مبغا حد يعطيه..واحد الراجل عيط عليه عطاه شي حاجة.. الطلاب قال ليه الله يجعلك من الدينامنوا ... شاف لقا ريال .. وهو يكمل ثم كفروا.
واحد كان شاري باكية ديال لمسامر طاح ليه واحد وبدا تيغوت عليه اجي اجي وملي غوت تاعيا وهو يشتت عليه لمسامر لاخرين وقال ليهم جيوه.
واحد قال لصاحبو ولدي لبارح بدا تيمشي وهو يقول ليه وفين وصل دابا.
واحد كان تيدوز امتحانات البكالوريا دازت ربع ساعة ناض خرج قال ليه فين غادي اولدي وهو
يقول ليه راه بابا قال ليا خصك تجي نتا اللول.
واحد تيحلم ديما بالفيران لاعبين كورة مشا عند الطبيب وهو يقول ليه دواك عندي وهو يكتب ليه
واحد الدوا قال ليه شربو ليوم ماغديش تبقا تحلم بهاد الشي وهو يقول ليه لا ادكتور نشربو تالغدا قال ليه وعلاش وهو يقول ليه حيت ليوم لاعبين الفينال.